CARACTERÍSTICAS DO CENTRO COLEXIO BOUZA BREY

 

O Colexio Bouza Brey é, e quere ser, ideoloxicamente pluralista, especialmente nas súas vertentes política e relixiosa. Isto é: respecto a tódalas ideoloxías e crenzas, intentar proporcionarlles ós nenos as informacións o  máis obxectivamente posibles para que progresivamente forme os seus propios criterios utilizando a realidade e poida tomar decisións responsables. Os pais/nais poden e deben axuda-los seus fillos/fillas neste proceso, sobre todo a partires da súa propia vida e o diálogo con eles/elas.

 

Este centro pretende desenvolve-lo seu espíritu crítico, a capacidade de discusión, de decisión e a vontade colectiva de transformación da realidade social. Admite a diversidade de ritmos evolutivos e de capacidades intelectuais. Dará importancia tanto á relación educativa como a adquisición de técnicas e contidos básicos. Terá en conta o desenvolvemento psicolóxico na programación e os niveis. Considera que a orde e a disciplina son necesarios para a vida e o traballo dos escolares e non serán entendidos como consecuencia de coerción senón que estará baseado no respecto mutuo, no diálogo, na reflexión, na colaboración e na solidaridade. Baseamos a nosa actuación nos principios básicos da Escola Activa pola súa fundamentación na psicoloxía, bioloxía e socioloxía.

 

Este centro considera que é necesario  que aprendan a vivir cos demais compañeiros/as sen ter en conta a capacidade, raza, sexo, relixión, ideoloxía, etc.... detestando de todo xeito o racismo. Interesarse pola información ética, moral e cívica baseado nos Dereitos Humanos. A educción e a convivencia desenvolverase no marco da tolerancia e o respecto á liberdade de cada cal.

 

Para acadar todos estes obxectivos o centro dispón das seguintes instalacións:

Tres aulas de educación infantil

Seis aulas de educación primaria

Catro aulas de educación secundaria

Laboratorios

Aula de gabinete psicopedagóxico

Aula de desdobre

Aula de música

Aula de plástica

Aula de informática

Aula de debuxo

Aula de audiovisuais

Aula de psicomotricidade

Aula de xestión /comedor

Aula taller

Ximnasio

Biblioteca

Catro laboratorios: física, química, ciencias naturais e idiomas

Sala de profesores

Secretaría

Despachos

Conserxería

Pista polideportiva

Zonas verdes e de esparcemento

Zona de aparcamento